أهلًا، أنا إسلام جمال.إسلام جمال (اسلام جمال تسويق) — تسويق رقمي وإدارة إعلانات المتاجر الإلكترونية في السعودية.

أنا خريج كلية الزراعة، جامعة الإسكندرية. وأيام الجامعة كنت بشتغل جنب الدراسة.

اشتغلت فرد أمن في فندق سيسل، واشتغلت ويتر.

وقتها، مكنتش أعرف إن حياتي المهنية هتاخدني لعالم التسويق الرقمي. بس كان عندي فضول أعرف الناس بتشتغل إزاي على الإنترنت.

وكنت بسأل نفسي: هو ممكن أتعلم حاجة تفتحلي طريق مختلف؟

بدأت بخدمات بسيطة: إدارة صفحات، الرد على التعليقات، متابعة الرسايل، ومساعدة أصحاب المشاريع في شغلهم اليومي.

وجربت حاجات تانية كتير وقتها، حتى خدمات على SoundCloud. كنت بجرب وبتعلم من كل حاجة.

مكنتش بعمل حملات بملايين الدولارات. كنت بتعلم إزاي أتعامل مع عميل، أفهم المطلوب، وأسلم شغل كويس.

ومع الوقت بدأت أتعلم مهارة جديدة: إعلانات فيسبوك.

بعد فترة من العمل الحر، انضمّيت لوكالة أب كونسبت في إسكندرية. وهنا بدأت مرحلة مختلفة.

بقيت جزء من فريق، فيه مسؤوليات ومواعيد وعملاء وتحديات أكبر.

المرحلة دي ساعدتني أفهم إن التسويق مش مجرد معرفة المنصات. لازم تعرف تخطط، تحلل، وتتواصل وتاخد قرارات مبنية على أرقام.